Gjirokastër/ Rikthehet lejleku i bardhë, shpendët shtegtarë pasurojnë ekosistemin

Sociale | 4 vite më parë

Shpendët shtegtarë, kryesisht lejleku i bardhë, kanë mbërritur tashmë në Gjirokastër për folezim. Platforma e folezimit e ngritur vite më parë prej disa ditësh i ka mirëpritur.

Biologu dhe njëherazi pedagogu pranë universitetit “Eqrem Çabej”, Lavdi Hasani shprehet se rikthimi i këtyre shpendëve sjell impakt pozitiv për pasurimin e ekosistemit që përfshihet në teritorin e luginës së Drinos.

Lugina e Drinos përbën një habitat të mrekullueshëm për zogjtë shtegtarë.

Përveç llojeve të shumta të zakonshëm që folezojnë në këtë zonë në periudhën e ngrohtë, kjo luginë shërben dhe si korridor për emigrimin e shpendëve.

Në periudhën e emigrimit në këtë luginë kalojnë dhjetëra lloje shpendësh, të cilët lëvizin për në territoret e emigrimit.

Gazetare: Sonila Mlloja

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.