Në lagjet e Gjirokastrës kryesisht në zonën e quajtur Katrori në lagjien 18 Shtatori e cila është nga pjesët më të frenkuentuara të qytetit të gurtë  dhe në Hazmurat, rrjetat e telave merimangë gjenden pothuajse kudo pranë dritareve të pallateve dhe banesave. Madje shpesh herë ato janë të ndërthurura me kabllot e energjisë elektrike duke u bërë burim rreziku.Natyrisht ky problem  krijohet për banorët e këtyre zonave të cilët kalojnë çdo ditë pranë këtyre kabllove duke rrezikuar dhe jetën.Këtë shqetësim e shprehin këta të fundit të pyetur për mikrofonin e RTSH Gjirokastra.

“Problemi i kabllove ekziston prej shumë vitesh dhe është rrezik për ne.Rrezikojnë fëmijët kur luajnë mes pallateve dhe makinat kur kalojnë.Kjo pamje me tlat si merimangë lë shije mjaft të shëmtuar.Ata që e kanë përgjegjësi të ndërhyjnë për sistemimin e tyre”

Kabllot të cilat për vite qëndrojnë të varura dhe të zgjatura deri afër tokës krijojnë pasiguri për qytetarët.Rreziku bëhet edhe më i madh kur ndryshimet e motit sjellin shi me erëra të forta.