Gjykata lë sërish në burg kryebashkiakun e zgjedhur të Himarës Fredi Beleri

Politikë | 3 vite më parë

Gjykata e Posaçme e Apelit për Korrupsionin dhe Krimin e Organizuar, ka rrëzuar ditën e premte kërkesën për ndryshimin e masës për kryebashkiakun e zgjedhur të Himarës Fredi Beleri.

Beleri ka arsyetuar se nuk ekzistojnë kushtet dhe rrethanat për mbajtjen e tij në burg, pasi ai nuk përbën rrezik, hetimet kanë përfunduar dhe ai nuk mund të dëmtojë provat.

Fredi Beleri është arrestuar prej 12 majit të vitit të kaluar i akuzuar për blerje votash në zgjedhjet e 14 majit. Në këto zgjdhje Beleri mori shumicën e votave në Bashkinë e Himarës.

Beleri ka kërkuar të kryejë betimin si kryebashkiak i qytetit jugor, por nuk është lejuar.

Çështja e tij ka tensionuar marrëdhëniet mes Shqipërisë dhe Greqisë.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.