Goditet grupi i trafikantëve italo-shqiptarë, sekuestrohen mbi 10 milionë euro heroinë dhe kokainë

Aktualitet | 3 vite më parë

Autoritetet italiane kanë goditur një grup kriminal që merrej me shpërndarjen e drogës, duke çuar në pranga 12 persona, nga të cilët 6 shqiptarë.

Sipas medieve italiane, si rezultat i këtij operacioni u sekuestruan 200 kilogramë kokainë dhe heroinë, me vlerë mbi 10 milionë euro.

Shqiptarët u arrestuan në provincën e Teramos, ndërsa një tjetër është shpallur në kërkim. Ata kishin secili bashkëpunëtorët e tyre, të cilët shpërndanin lëndën narkotike me pakicë duke ia çuar klientëve derë më derë.

Identiteti i të arrestuarve nuk bëhet me dije, teksa shqiptarët pritet të dalin para gjykatës për t’u njohur me masën e sigurisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.