Greqi/ Deputetët mjekë rikthehen në detyrë

Greqi | 6 vite më parë

Më shumë se 20 mjekë grekë, që shërbejnë gjithashtu si deputetë, u zotuan sot të punonin në spitale, për të lehtësuar sadopak ngarkesën e personelit mjekësor, e shkaktuar nga pandemia e COVID-19.

I pari ishte Giorgos Lamproulis, mjek pulmonolog dhe nënkryetari i parlamentit grek.

Të hënën, ai kërkoi të lirohej përkohësisht nga detyrat e tij, në mënyrë që të mund të punonte në një klinikë në qytetin e tij, Larisa. Ai u kërkoi mjekëve të tjerë në parlament të ndiqnin shembullin e tij.

“Sipas mendimit tim, vendi im është tani përkrah kolegëve të mi, mjekëve dhe infermierëve”, tha Lamproulis.

Pas tij, 20 deputetë të tjerë, midis tyre radiologë, kirurgë dhe mikrobiologë, u larguan nga parlamenti për në spitalet shtetërore.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.