Gruri ribashkon autokombanjerët pas 33-vitesh

Sociale | 3 vite më parë

Një grup autokompoanjerësh, të cilët tashmë janë mbi 65-vjeçarë, u ritakuan në fushat me grurë të Gjormit, pas më shumë se 33-vitesh.

Në kulmin e fushatës së korrjes së grurit, autokombanjerët e viteve ‘70 sollën në kujtesën e tyre momente nga korrja e grurit në vitet e para të punës së tyre.

Një pjesë e tyre jetojnë jashtë vendit ndërsa një pjesë tjetër janë larguar nga jeta, por për ta puna e bërë në fushat me grurë ka qenë mjaft frytdhënëse.

Tashmë thuajse të gjithë në pension, janë prindër, gjyshër, madje dhe stërgjyshër, si 82-vjeçari Ram Berisha, deri te më i riu Sandër Frroku ideatori i kësaj ceremonie të bukur në arat e mbjella me grurë.

Kurbini ishte një zonë e njohur për sipërfaqet e mëdha të mbjella me grurë dhe kultura të tjera bujqësore, një sektor mjaft i rëndësishëm bujqësor.

Gazetare: Flutura Tota

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.