Manchester City dridhet: Pep Guardiola, trajner i ‘Qytetarëve’ që nga viti 2016, pranoi se “diçka nuk shkon” pas barazimit zhgënjyes 1-1 të arritur dje në stadiumin Etihad ndaj Evertonit. Një barazim që, në dritën e fitores së madhe të Arsenalit ndaj Brighton-it të De Zerbit, e largon Cityn nga maja: janë shtatë pikë që ndajnë Haaland dhe shokët e tij nga ‘Topçinjtë’ gjithnjë e më të relaksuar në vendin e parë.

“Në momentin që ndjej se diçka nuk shkon, jap dorëheqjen. Unë nuk do të qëndroj këtu, në Angli, siç bënë Ferguson dhe Ëenger”, gjëmonte trajneri i Cityt në konferencën për shtyp, megjithëse theksoi se ai ende e vlerëson performancën e ekipit pavarësisht barazimit në shtëpi me Everton.

Trajneri spanjoll ka rinovuar së fundmi kontratën e tij me Manchester City deri në vitin 2025, por gjithashtu pranoi se zgjatja nuk do të garantonte qëndrimin e tij në Angli: “Kontrata deri në vitin 2025 është vetëm një copë letër”, tha Guardiola. Nëse lodhemi me njëri-tjetrin, do të iki. E zgjata kontratën sepse ndjej se skuadra mund të bëjë akoma gjëra të mira me mua”, përfundoi ai.