Kryetari i Partisë së Lirisë, Ilir Meta, me rastin e Ditës Ndërkombëtare të Përkujtimit të Holokaustit, ka thënë se sot përkujtojnë me nderim miliona viktima të pafajshme të mizorisë së pashpirt të Holokaustit, në mënyrë që antisemitizmi, mungesa e tolerancës, bashkëjetesës, dhe shkeljet e lirive e të drejtave të njeriut, të mos përsëriten kurrë më.

Nëpërmjet një postimi në rrjetet sociale, Meta shkruan se ndihet krenar për popullin shqiptar dhe kodin e nderit Besa, që në periudhën më të errët të njerëzimit mbrojti mijëra hebrenj të larguar nga vendet e tjera, duke e kthyer Shqipërinë në të vetmin shtet në Evropë ku numri i tyre ishte më i madh pas Luftës së Dytë Botërore se sa para saj.

“Duke dënuar me forcë antisemitizmin, mungesën e tolerancës dhe bashkëjetesës, si dhe dhunimin e lirive dhe të drejtave të njeriut, të angazhohemi që të tilla tragjedi, gjenocide dhe akte çnjerëzore të mos përsëriten kurrë më”, shkruan Meta.

/rtsh.al/