Pas vitesh të tëra degradimi deri në pikën që nuk njihej më, gjimnazi “Asim Zeneli”, sot në këtë ditë për arsimin shqipëtar konsiderohet dhurata më e çmuar për mësuesit dhe nxënësit që mësojnë në këtë insitucion,ku morën dije emrat më në zë të vendit si Ismail Kadare e Dritëro Agolli.

Gjimnazi “Asim Zeneli” është i njohur si liceu francez i Gjirokastrës dhe u themelua më 5 nëntor 1923. Gjimnazi është një nga shkollat e para të arsimit të mesëm të përgjithshëm në Shqipëri.  Me 834 milionë lekë të akorduar nga qeveria shqiptare dhe bashkia e Gjirokastrës,u mundësua edhe transformimi i këtij insitucioni arsimor në Gjirokastër.

Një tjetër dhuratë e qeverisë shqiptare në këtë 7 mars është për mësuesit dhe nxënësit e shkollës së mesme “Sami Frashëri” në Përmet. Investimi prej 85 milion lekësh i qeverisë dhe bashkisë ka transformuar totalisht pamjen këtij insitucioni arsimor, duke filluar që nga fasada  e jashtme, ambientet e brendshme, sistemin e ngrohjes, sistem monitorimi, palestrën dhe terrene sportive.

Në qarkun e Gjirokastrës investimet me fonde nga buxheti i shtetit kanë përfshirë jo vetëm infrastrukturën arsimore dhe rrugore, por shumë sektorë të rëndësishëm të ekonomisë.