Irani: Izraeli është përgjegjës për sulmin në tubacionet e gazit

Botë | 3 vite më parë

Irani ka bërë përgjegjës Izraelin për sulmin në tubacionet e gazit, javën e kaluar.

“Izraeli ishte pas sulmit të javës së kaluar në tubacionet iraniane të gazit”, akuzoi këtë të mërkurë (21 shkurt) ministri iranian i naftës, Javan Ouji.

“Armiku kërkoi të ndërpresë furnizimin me gaz për familjet… por kolegët tanë punuan për të kundërshtuar komplotin izraelit që dëmtoi vetëm disa tubacione,” shtoi Ouji.

Dy shpërthime goditën rrjetin kryesor të gazsjellësit të Iranit përmes të cilit transportohet gaz nga jugu në veri më 14 shkurt, të cilin Ouji fillimisht e përshkroi si një “akt terrorist sabotimi”.

Në dhjetor, një grup hakerësh, të cilët Irani i akuzon për lidhje me Izraelin, tha se kreu një sulm kibernetik që shkaktoi mbylljen e deri në 70% të stacioneve të benzinës në Iran.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.