“Jehona Jonë” në TKOB, valle dhe këngë nga trevat shqiptare

Kulturë | 3 vite më parë

Me këngë e valle, interpretime nga të gjitha trevat e Shqipërisë ka qenë e përbërë shfaqja e Ansamblit Popullor “Jehona Jonë” në Teatrin Kombëtar të Operas dhe Baletit, mbrëmjen e 16 janarit.

Nga Çamëria në Kosovë e nga Bregu në Korab, publiku ka përcjellë traditat më të bukura shqipe, këngët, vallet, vajet e gëzimet, të cilat kane ardhur të interpretuara mjeshtërisht nga artistët e Ansamblit Popullor.

Solistë të këtij koncerti të veçantë kanë qenë Denisa Gjezo, Iris Bega, Aranit Hoxhaj, Lekë Pecnikaj, Avni Miraka etj.

Tradita e këngëve dhe valleve popullore shqipe është mjaft e lashtë, ndërsa e rëndësishme është ruajtja e kësaj pasurie ndër breza, teksa edhe në këtë shfaqje ka qenë pikërisht brezi i ri i cili ka mbajtur peshën e valleve.

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.