Jugu i Turqisë goditet nga tërmeti 5.2 shkallësh

Rajon | 3 vite më parë

Të paktën 23 persona janë lënduar në jug të Turqisë, si pasojë e një tërmeti 5.2 shkallësh të Rihterit, njofton Radio Evropa e Lirë.

Qendra për vëzhgim të tërmeteve, Kandili, ka raportuar se tërmet ka ndodhur në mbrëmjen e së enjtes.

Ministri turk i Shëndetësisë, Fahrettin Koca, ka thënë të enjten në mbrëmje se banorët janë plagosur për shkak të hedhjes nga katet e larta të banesave.

Epiqendra e tërmetit ka qenë në provincën Malatja.

Kjo provincë është prekur edhe nga tërmetet shkatërruese të 6 shkurtit.

Si pasojë e dridhjeve të mëdha në juglindje të Turqisë dhe veri të Sirisë, nga këta tërmete u raportua të kenë vdekur më shumë se 50.000 njerëz.

Sipas Radios Evropa e Lirë

/ rtsh /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.