Kancelari gjerman Olaf Scholz: BE të shpejtojë procesin e integrimit të vendeve të Ballkanit Perëndimor

Rajon | 4 vite më parë

Kancelari gjerman Olaf Scholz ka deklaruar sot se Bashkimi Evropian duhet t’i japë përparësi vendeve të Ballkanit Perëndimor që të bëhen pjesë e familjes evropiane.

Gjithashtu sipas tij, Ukraina, Moldavia dhe Gjeorgjia do të duhet të afrohen me Bashkimin Evropian.

Kancelari gjerman Olaf Scholz duke folur para samitit të BE-së, ka theksuar gjithashtu se integrimi i këtyre vendeve në BE duhet të jetë i suksesshëm, por nga ana tjetër sipas tij, kjo nënkupton që këto vende të përmbushin kriteret si shteti i së drejtës, kushtet demokratike dhe ekonomike.

Scholz shtoi se BE-ja u ka dhënë një perspektivë të gjitha këtyre vendeve dhe tani duhet të përcaktojë rrugën e afrimit të tyre në familjen evropiane.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.