700 – 800 raste të reja regjistrohen çdo vit në vendin tonë  me kancer në gji. Por ajo që po shqetëson më shumë mjekët është se kjo sëmundje po prek edhe moshat e reja. Sipas mjekes onkloge spitalin onkologjik në QSUT Alketa Pera sëmundja po prek dhe vajzat e gratë nën moshën 30 vjeç.

Në kushtet e pandemisë sëmundja behet edhe më e vështirë për tu mbajtur nën kontroll. Frika nga infektimi me COVID sipas mjekes jo rrallë herë ka shtyrë në kohë rikontrollet por stafi i mjekëve ka mbajtur kontakte telefonike me pacientët për gjendjen shëndetësore dhe trajtimin në banesë.

Sipas mjekes Pera pavarësisht kushteve të pandemisë diagnostikimi i kësaj sëmundje nuk ka pësuar vonesa. Por pavarësisht fushatave të forta ndërgjegjësuese dhe aksesit më lartë për të kryer një kontroll të gjirit në kabinetet e mamografisë, përsëri disa gra dhe vajza diagnostikohen në stade të avancuara të sëmundjes dhe kjo për shkak të neglizhimit të kontrolleve periodike.