Një 32-vjeçare, administratore e një poste private në Tiranë, është shpallur në kërkim pasi akuzohet se tregtonte mallra kontrabandë dhe fshihte të ardhurat e përfituara nga ky aktivitet.

Specialistët kundër Krimit Ekonomik sekuestruan “93 pako me mallra të ndryshme (veshje, produkte kozmetike, pajisje elektronike etj), pa fatura tatimore shoqëruese apo deklarata doganore për origjinën e mallrave”.

Gjithashtu po procedohen në gjendje të lirë 3 persona të punësuar për tregtimin dhe shpërndarjen e mallrave të kontrabanduara.

Mallrat e futura kontrabandë u gjetën gjatë një kontrolli të magazinave së postës.

Si rezultat gjatë operacionin të koduar “Pakot postare 2” u shpall në kërkim “32-vjeçarja A. D., banuese në Tiranë, administratore e një poste private dhe po hetohen në gjendje të lirë L. M., 37 vjeç, A. K., 22 vjeç dhe A. A., 40 vjeç, të tre banues në Tiranë, punonjës të kësaj poste”.

/rtsh.al/