Kategoria e Parë, fitojnë Besa dhe Turbina

Futboll Vendi | 4 vite më parë

Kategoria e Parë ka zbritur sot në fushën e lojës me dy ndeshje të javës së 15-të. Besa ka arritur të marrë një fitore 2-0 në ndeshjen që u luajt në Berat. Nga një gol për çdo pjesë loje, Onuh në fundin e pjesës së parë dhe Hoxha në mbyllje të takimit kanë bërë që skuadra kavajase të qëndrojë në zonën play off, një mundësi për të pretenduar ngjitjen në Superiore.

Një rezultat surprizë ka dhuruar Turbina, e cila ka arritur të marrë një fitore 1-0 përballë Apolonisë. Goli i Jusuf në pjesën e dytë i ka larguar cërrikasit nga vendi i fundit, që tani mbahet nga Besëlidhja. Ndërkohë, fierakët vazhdojnë të qëndrojnë në pozita aspak të favorshme në klasifikim.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.