Kërkuan heqjen e masës “arrest në shtëpi”, GJKKO rrëzon kërkesat e Berishës dhe Malltezit

Aktualitet | 3 vite më parë

Gjykata e Posaçme (GJKKO) ka rrëzuar kërkesën e ish-kryeministrit Sali Berisha dhe dhëndrit të tij, Jamarbër Malltezi për heqjen e masës së sigurisë “arrest shtëpie”.

Ish-kryeministri akuzohet për korrupsion, ndërsa GJKKO caktoi masën “arrest shtëpie” ndaj tij pasi ai refuzoi të paraqitej para policisë gjyqësore, duke mos respektuar masën e sigurisë “detyrim paraqitje”.

Ndërsa Malltezi u vu në pranga në datën 21 Tetor dhe më pas u la në arrest shtëpie, pasi dyshohet se ka kryer korrupsion pasiv.

Berisha dhe Malltezi po hetohen mbi ligjshmërinë e privatizimit të ish-kompleksit Sportiv Partizani në Tiranë, që çoi në ndërtimin e një kompleksi pallatesh.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.