Festa më e rëndësishme e besimit të krishterë, Pashka është kremtuar edhe nga besimtarët e kishave Ungjillore të Qarkut Korçë. Ata janë bërë bashkë në ambientet e teatrit “Andon. Z.Çajupi” në një shërbesë ku veç mesazheve të përcjella nga pasazhet e aktrimit dhe muzikës, u mbajt dhe predikimi i mesazhit të Pashkës, nga Pastori  kryesor i Kishës Moody (mudi) në Çikago Ervin Lutzer.

“Çfarë privilegji për mua të jem këtu sot, në ditën e ringjalljes, kur ne mblidhemi për të përkujtuar një nga mrekullitë më të mëdha që ka pasur bota. Po çfarë domethënie kishte ringjallja e Krishtit. Bibla thotë tek Gjoni kapitulli 20, se dishepujt ishin mbledhur në dhomën e epërme dhe dyert i kishin mbyllur sepse kishin frikë nga përndjekja e Judenjve. Ja ku kemi këtë grumbull të vogël njerëzish të trembur me frikë se ç’mund tju ndodhte por papritmas, Krishti i ringjallur ju rishfaq atyre dhe gjithçka ndryshoi. Dhe pas kësaj, ata dalin me guxim dhe vetëbesim e shumë prej tyre vdiqën, dhanë jetën për besimin. Për hir të Krishtit, ata e pranuan vuajtjen dhe vdekjen me gëzim”, tha ai.

Urimet e përcjella në këtë ditë mes njëri-tjetrit, kanë qenë ato për begati, falje e prosperitet.

/rtsh/