Kishin humbur në Malin e Dajtit, policia gjen dhe ndihmon dy turistë çekë

Aktualitet | 3 vite më parë

Dy turistë çekë humbën rrugën dhe mbetën të izoluar për disa orë në Dajt. Policia u erdhi në ndihmë, ku pas disa orësh operacion kërkim-shpëtimi, arriti t’i lokalizonte. Menjëherë atyre iu dha ndihma mjekësore, ushqimi e rrobat dhe fatmirësisht janë në gjendje të mirë shëndetësore.

Policia e Tiranës tha se, ata teksa po eksploronin natyrën në një terren të thepisur malor, kishin humbur rrugën dhe njoftuan Policinë.

Kjo e fundit nisi kërkimet për disa orë, ku sapo i gjeti dy turistët iu dha ndihmën e parë mjekësore, ushqim dhe rroba, pasi ata kishin mbetur të izoluar që nga mbrëmja e së shtunës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.