Një grua nigeriane komentoi në Facebook me ndjekësit e saj një salcë domate, të cilës nuk i kishte pëlqyer. Ky veprim në dukje  i pafajshëm që komentohej mes ndjekësve, ka bërë që 39-vjeçarja të përballet me burgun dhe akuzat për krim kibernetik.

Komentet në Facebook nuk u pëlqyen nga kompania e prodhimit të salcës së domates, e cila ka paditur të renë nigeriane duke e akuzuar për “sulm dashakeq”  që dëmton imazhin e biznesit.

Ky rast ka shkaktuar protesta nga vendasit që besojnë se ajo po persekutohet për ushtrimin e të drejtës së fjalës së lirë.

39-vjeçarja u kërkoi 18,000 ndjekësve të saj në Facebook të ndanin mendimet e tyre për një salcë domate që ajo ble, duke thënë se “iu duk shumë e ëmbël”.

Postimi i saj, i shoqëruar me një foto të një kanaçeje të hapur me Nagiko Tomato Mix , prodhuar nga kompania vendase Erisco Foods Limited, ngjalli reagime të ndryshme nga komentuesit.

Nigeriania është arrestuar ndërsa akuzohet për informacion të rremë që sipas ligjit të Nigerisë përfshihet në “Aktin e Ndalimit të Krimit Kibernetik “.

Nëse shpallet fajtore, ajo mund të përballet me deri në 3 vjet burg ose një gjobë prej 5 000 dollarë, ose të dyja.

Kompania ushqimore tha gjithashtu se ka “vuajtur humbjen e besueshmërisë së publikut” dhe për këtë arsye kishte ngritur një padi civile kundër 39-vjeçares duke kërkuar 3 milion dollarë si dëmshpërblim.

/rtsh.al/