Korçë, Gërmimet arkeologjike nxjerrin në pah një tubacion qeramike 500 vjeçar

Aktualitet | 4 vite më parë

Në fshatin Mborje në Korçë është bërë një zbulim i ri arkeologjik. Nga gërmimet rezulton një tubacion qeramike 500 vjeçar ku shërbente për furnizimin me ujë të pijshëm nga vargmalet e Moravës.

Sipas arkeologut, Florenc Cenolli, kemi të bëjmë me gjetjen rastësore të një tubacioni që mendohet se shërbente për furnizimin me ujë të pijshëm nga vargmalet e Moravës, për banorët e kalasë së Mborjes.

Cenolli thotë se ky lloj tubacioni nuk është hasur më parë në qarkun e Korçës, ndërsa një rast i ngjashëm ka qenë ai në afërsi të kalasë së Prizrenit në Kosovë.

Arkeologu bën me dije se kampionet e qeramikës të gjetura tek vendi i quajtur ylli, janë dërguar për studim në Institutin Kombëtar të Trashëgimisë Kulturore.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.