Policia ka vënë në pranga një 23-vjeçar të shpallur në kërkim pas tentativës për vrasjen e një 41-vjeçari dhe kanosjen e djalit të këtij të fundit, ngjarje kjo e ndodhur më 10 gusht.

Po ashtu, policia ka vënë nën hetim vëllanë e 23-vjeçarit, gjithashtu i shpallur në kërkim si i përfshirë në konflikt. 23-vjeçari në bashkëpunim me vëllanë e tij dhe me një tjetër person të arrestuar më 11 gusht, kanosën babë e bir për shkak të një konflikti mes tyre.

Gjatë konfliktit i arrestuari më 11 gusht qëlloi me armë në drejtim të 41-vjeçarit, i cili fatmirësisht nuk u lëndua.

“Nga veprimet e thelluara hetimore ka rezultuar se shtetasi M. D., në bashkëpunim me vëllanë e tij dhe me shtetasin M. S. (i arrestuar nga Policia, më datë 11.08.2023), kanë kanosur shtetasit F. R., 41 vjeç dhe F. R., 22 vjeç (babai dhe djali), për shkak të një konflikti ndërmjet tyre. Gjithashtu, dyshohet se gjatë këtij konflikti, shtetasi i vënë në pranga, M. D. ka qëlluar me armë zjarri, në drejtim të 41-vjeçarit. Nga të shtënat nuk ka shtetas të dëmtuar”, thuhet në njoftimin e policisë.

/rtsh.al/