Koreja e Veriut deklaroi se ka testuar një lloj të ri rakete balistike njoftuan mediat shtetërore. 

”Pheniani testoi një lloj të ri rakete strategjike “Bulhwasal-3-31”, e cila është në zhvillim e sipër”, tha media e kontrolluar nga shteti KCNA.

Ambicia e Phenianit për armë bërthamore e ka bërë atë objekt të sanksioneve ndërkombëtare me shtrirje të gjerë.

Rezolutat e Kombeve të Bashkuara ndalojnë Korenë e Veriut të testojë raketa balistike të çdo rrezeje, disa prej të cilave janë të afta të mbajnë një kokë bërthamore.

Testet e raketave nuk i nënshtrohen sanksioneve kundër Phenianit.

Armët e tilla, megjithatë, mund të përdoren gjithashtu për të lëshuar koka bërthamore.

Ushtria e Koresë së Jugut zbuloi disa raketa të lëshuara nga Koreja e Veriut në det të hapur të mërkurën në mëngjes.
 
Në sfondin e konfliktit për programin e armëve bërthamore të Koresë së Veriut, tensionet në Gadishullin Korean janë rritur përsëri ndjeshëm. 

Shtetet e Bashkuara dhe Koreja e Jugut kanë rritur bashkëpunimin e tyre ushtarak, duke përfshirë manovra të përbashkëta, në përgjigje të testeve të shumta të Phenianit të raketave me aftësi bërthamore gjatë dy viteve të fundit.

/ rtsh.al /