Ka përfunduar ndërhyrja për krasitjen e pemëve të llojit “tespi” në njërin krah të Unazës perëndimore në Shkodër. Punimet, të nisura në kuadër të projektit për rehabilitimin e gjelbërimit përgjatë këtij aksi rrugor, pritet të vijojnë tashmë edhe në krahun tjetër të rrugës. Sipas Ndërmarrjes së

Shërbimeve Publike, pas përfundimit të fazës së parë të punimeve, pritet të nisë ndërhyrja në anën tjetër të Unazës së Vogël, ku do të vijojë procesi i krasitjes së pemëve. Ndërhyrja vjen pas problematikave të krijuara ndër vite nga pemët e llojit “tespi”, veçanërisht për shkak të mbetjeve që ato shkaktojnë në trotuare dhe në hapësirat publike përreth, duke ndikuar edhe në mirëmbajtjen dhe pastërtinë e zonës. Krasitja aktuale është vlerësuar si tejet e nevojshme nga qytetarët.

“Deri tani është shumë mirë, deri këtu te unë ka pastruar shumë mirë”, u shpreh një banor

Ndërkohë, për mbarëvajtjen e punimeve dhe për të garantuar sigurinë e qytetarëve, Bashkia u ka kërkuar drejtuesve të automjeteve të shmangin parkimin përgjatë Unazës së Vogël gjatë orëve të natës, kur zhvillohen ndërhyrjet nga ekipet e shërbimeve publike. Me vijimin e punës edhe në krahun tjetër, synohet që ndërhyrja të përfshijë të gjithë aksin, si pjesë e planit për përmirësimin e pamjes, mirëmbajtjes dhe cilësisë së hapësirave publike në këtë pjesë të qytetit.

Gazetare: M. Gjoni

/rtsh.al/