Kryeministri hungarez Viktor Orban mbërrin në Tiranë, pritet me ceremoni nga Rama

Politikë | 3 vite më parë

Kryeministri hungarez Viktor Orban ka mbërritur këtë të premte në Tiranë. Kryeministri hungarez është pritur me një ceremoni zyrtare nga homologu i tij, Edi Rama.

Pas ekzekutimit të himneve kombëtare të dy vendeve, dhe përshëndetjes së dy liderëve me delegacionet e vendeve përkatëse, Rama dhe Orban kanë vijuar takimin në Kryeministri.

Në orën 10:30, do të nënshkruhet marrëveshja dypalëshe dhe në orën 10:40, Kryeministri Edi Rama së bashku me homologun hungarez do të zhvillojnë një konferencë të përbashkët për shtyp.

Më pas, Orban pritet të takohet gjithashtu edhe me Kryetaren e Kuvendit, Lindita Nikollën.

Orban do të shoqërohet në këtë vizitë nga ministri i Punëve të Jashtme dhe Tregtisë, Peter Szillarto dhe ministri i Zhvillimit Ekonomik, Marton Nagy.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.