Kryeministri Edi Rama ndodhet në Zaerbajxhan, ku po zhvillon një vizitë zyrtare, ndërsa do të marrë pjesë edhe në ceremoninë e hapjes së ambasadës shqiptare në Baku. Rreth mesditës, kreu i qeverisë shqiptare pritet të takohet edhe me presidentin e Azerbajxhanit, Ilham Alijev.

Rama, i shoqëruar nga zv.kryeministrja Belinda Balluku morën pjesë në takimin e 10-të të Ministror të Këshillit Këshillimor që u mbajt në Baku, Azerbajxhan, këtë të premte (1 mars).

Në një postim në Facebook, zv.kryeministrja, njëherazi edhe ministrja e Energjisë, bën me dije se po ashtu u zhvilluan edhe një sërë takimesh të rëndësishme për zhvillimet ekonomike dhe energjetike.

“Mirëmëngjes nga Baku! Në nisje të një dite të rëndësishme, ku delegacioni shqiptar, i kryesuar nga kryeministri Edi Rama , do të marrë pjesë në një sërë takimesh të rëndësishme për zhvillimet ekonomike dhe energjetike, jo vetëm mes Shqipërisë dhe Azerbajxhanit, por në rang europian”, shkruan Balluku.

/rtsh.al/