Partia Demokratike i ka bërë thirrje SPAK-ut që të hetojë në lidhje me financimin e kullës që po ndërtohet pas Teatrit të Operës dhe Baletit.

Zëdhënësja e PD-së, Mirela Karabina, në një dalje për mediet iu drejtua Strukturës së Posaçme Anti-Korrupsion për të nxjerrë të vërtetën mbi “Malin e Tiranës”.

Karabina theksoi se “Partia Demokratike mbështet pa asnjë rezervë hetimin nga SPAK të ndërtimeve me paratë e pista të krimit dhe korrupsionit në hallkat kryesore të qeverisjes”.

Sipas saj, vetingu në politikë, miratimi i një pakete agresive kundër krimit dhe korrupsionit të politikanëvë të lartë, dënimi i tyre për korrupsion dhe sekuestrimi i pasurive janë domosdoshmëri jetike për fatet e zhvillimit të vendit.

“Zbardhja dhe çuarja para përgjegjësisë e ideatorëve dhe zbatuesve të skemave të pastrimit të parave është një shërbim i madh që i bëhet qytetarëve shqiptare,” tha zëdhënësja e PD.

/rtsh.al/