Kupa e Shqipërisë, hidhet shorti i gjysmëfinaleve

Futboll Vendi | 6 vite më parë

Është hedhur ditën e sotme shorti për fazën gjysmëfinale të Kupës së Shqipërisë për sezonin 2020-2021. Ky short u zhvillua në ambientet e stadiumit “Air Albania” ku të pranishëm ishin përfaqësues të klubeve dhe përfaqësues të mediave.

Ekipet e kualifikuara deri në këtë fazë janë: Laçi, Teuta, Vllaznia dhe Skënderbeu. Shorti përcaktoi dy çiftet gjysmëfinaliste të këtij edicioni të Kupës së Shqipërisë.

Vllaznia që vjen pas fitores ndaj Korabit do të presë Laçin në shtëpi. Nga ana tjetër, bregdetarët e Teutës shorti i përcaktoi përballë djemtë e Skënderbeut.

Ndeshjet e kësaj faze, ku do të përcaktohen edhe finalistët e këtij edicioni, do të luhen më 14 prill, me tek ndeshje dhe jo me sistem vajtje-ardhje.

Çiftet e fazës gjysmëfinale të Kupës së Shqipërisë:

Vllaznia-Laçi

Teuta-Skënderbeu

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.