Kurbin-Vritet ekonomisti i një firme të përpunimit të inerteve, plagoset pronari

Aktualitet | 3 vite më parë

Një ngjarje e rëndë është shënuar mëngjesin e sotëm (10 shkurt) në fshatin Gurez të Kurbinit. Vritet me armë zjarri ekonomisti i një firme ku përpunohen inerte dhe plagoset pronari.

Viktimë ka mbetur 70-vjeçari S.M, ndërsa është plagosur Ardian Gjeloshi, 51 vjeç, i cili është transportuar në Spitalin e Traumës në Tiranë.

Ngjarja ka ndodhur në orën 07:00 në rrethana ende të paqarta.

Policia e Kurbinit, forcat Kombëtare të Sigurisë dhe Forcat Speciale RENEA kanë vajtur në vendin e ngjarjes për zbardhjen e rrethanave të krimit, identifikimin dhe kapjen e autorit/ve.

Gjithashtu janë vendosur pika kontrolli në zonë për kapjen e autorit/ve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.