Kuvend/ Miratohen me 97 vota pro ndryshimet e projektligjit për shtetësinë

Politikë | 3 vite më parë

Me 97 pro, Kuvendi ka miratuar sot (21 shtator) ndryshimet e projektligjit për shtetësinë në Kuvend. Në këtë projektligj janë propozuar disa ndryshime ligjore që synojnë lehtësimin e procedurave për marrjen e pasaportës shqiptare nga të rinjtë e talentuar që jetojnë në trevat shqiptare, por jo vetëm.

Në fjalën e tij në Kuvend, Ministri i Brendshëm, Taulant Balla u shpreh se qëllimi i këtij ligji është për t’u krijuar mundësinë talenteve që kanë lindur e jetojnë jashtë Shqipërisë, të pajisen me pasaportën shqiptare edhe kur nuk kanë mbushur moshën 18 vjeç.

Kuvendi miratoi po ashtu edhe projektligjin për fondet e pensionit privat, ndërsa ndryshimet e pagave të gjyqtarëve të Gjykatës Kushtetuese u shtynë me kërkesë të Jorida Tabakut.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.