Laç/ Izolohet zjarri në masivin me pisha, vetëm një vatër ende aktive

Aktualitet | 3 vite më parë

Është izoluar zjarri në masivin me pisha në qytetin e Laçit, ndërsa aktualisht është vetëm një vatër aktive. Në informacionin e përditësuar mbi situatën, bëhet me dije se flakët po mbahen nën monitorim nga Forcat e Armatosura, zjarrfikësit, Policia e Shtetit dhe forcat bashkiake.

Nuk është përllogaritur ende sipërfaqja totale e djegur, ndërsa në operacionin e djeshëm u përfshinë 140 forca të armatosura, 36 forca zjarrfikëse, 60 forca nga komisariati i Kurbinit dhe 27 vullnetarë.

Po ashtu u përfshi edhe një helikopter “Cougar” i Forcave të Armatosura që ka kryer rreth 3 orë fluturim, duke bërë të mundur që zjarri të mos arrinte në objektin e kultit “Kisha e Shna Ndout”.

Paraprakisht dyshohet se zjarri ishte i qëllimshëm dhe një person është ndaluar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.