Lëkundje tërmeti në Korçë, banorët: Nuk kemi dëme në banesa

Sociale | 4 vite më parë

Disa lëkundje tërmeti janë ndjerë në orët e para të ditës së sotme (23mars) në zonën mes Korçës dhe Ersekës. Epiqendra e tërmetit ka qenë 6 km nga fshati Mollas në bashkinë Kolonjë, ndërsa lëkundja më e fortë me magnitudë 4.4 ballë është pasuar me disa pasgoditje.

Në fshatin Qafëzez lëkundjet kanë qenë më të shpeshta, duke shkaktuar panik tek banorët. Kjo për vetë faktin, se në këtë fshat, u dëmtuan 12 banesa si pasojë e tërmetit që goditi qarkun e Korçës në 1 qershor të 2019.

Banorët shprehen se këtë herë, nuk ka pasur dëme në banesa ndërsa nga frika, janë detyruar të qëndrojnë jashtë banesave.

Lëkundjet e tërmetit janë ndjerë edhe në qytetin e Korçës si edhe në disa fshatra të bashkisë Devoll.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.