Lihet në detyrim paraqitje vëllai i deputetit Eduard Ndreca, Gjykata e Lezhës: Arrestimi ishte i paligjshëm

Aktualitet | 3 vite më parë

Gjykata e Lezhës ka lënë në masën e sigurisë “detyrim paraqitje” Armando Ndrecën, vëllai i deputetit Eduard Ndreca, i cili u arrestua pas zbulimit të stanit të kthyer në “shtëpi bari” në Lezhë.

Gjykata e ka vlerësuar si të paligjshëm arrestimin e tij, me arsyetimin se nuk ka prova për përfshirjen e tij në këtë veprimtari. Ndërsa për Armel Nikdukajn dhe Elvis Shpellzain, të cilët u gjetën në stan, Gjykata vendosi “arrest në burg”.

Ata u arrestuan më 11 prill në fshatin Kashnjet të Lezhës, ndërsa në stan ishin mbjellë 2973 bimë kanabis i cili rritej me llamba.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.