Liverpool përmbys Fulhamin, vendosin Jones e Gakpo

Angli | 3 vite më parë

Liverpool erdhi nga prapa për të mposhtur Fulham 2-1 në ndeshjen e parë të gjysmëfinales së Kupës së Ligës angleze. ‘Cottagers’ e thyen ngërçin në minutën e 19-të të pjesës së parë falë magjisë së Willian, i cili kaloi Bradley-n me një veprim mahnitës dhe i dha epërsinë skuadrës së tij.

Në pjesën e dytë ‘Reds’ sulmuan me të gjitha forcat dhe përmbysën rezultatin në harkun e tre minutave, mes minutave 68 dhe 71, me paraqitjet e shkëlqyera të Jones dhe Gakpo në një asistim të dyfishtë nga një Nunez i frymëzuar.

Një rezultat i rëndësishëm për skuadrën e Jurgen Klopp në funksion të ndeshjes së kthimit të planifikuar në ‘Craven Cottage’ më 24 janar. Finalja do të luhet më 25 shkurt në Wembley.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.