Lufta në Ukrainë/ Lavrov viziton Turqinë javën e ardhshme

Botë | 4 vite më parë

Ministri i Jashtëm rus, Sergey Lavrov do të vizitojë javën e ardhshme Turqinë.

Kryediplomati rus do të vizitojë vendin në datat 6 dhe 7 prill ndërsa temë kryesore e diskutimit do të jetë lufta në Ukrainë dhe dhe zhvillimet në Siri.

Në muajt e fundit, Lavrov ka bërë udhëtime të shumta, ku ka vizituar Afrikën në një përpjekje për të treguar se Perëndimi ka dështuar të izolojë Moskën pas pushtimit të Ukrainës.

Udhëtimi i tij për në Turqi është një tjetër shembull i aleatit të presidentit rus, Vladimir Putin i cili po përpiqet të ruajë marrëdhëniet me kombet e tjera ndërsa pushtuesit rusë mbeten në Ukrainë, transmeton Sky News.

Lavrov është një ndër zyrtarët e shumtë rusë që janë sanksionuar pas pushtimit të Ukrainës më 24 shkurt të vitit të kaluar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.