Presidenti amerikan Joe Biden ka pritur në Shtëpinë e Bardhë shefin e NATO-s, Jens Stoltenberg, më pak se një muaj përpara se aleanca perëndimore të mblidhet në takimin e saj vjetor në kryeqytetin amerikan. Dy udhëheqësit thuhet se kanë biseduar lidhur me mbështetjen afatgjatë për Ukrainën, ndërsa Keivi përballet me agresionin rus.

Biden vlerësoi punën e NATO-s, gjatë një takim me kreun e aleancës Jens Stoltenberg në Shtëpinë e Bardhë.  Biden tha se një “numër rekord” vendesh po përmbushin angazhimin ndaj NATO-s për të shpenzuar për mbrojtjen të paktën 2 për qind të prodhimit të brendshëm. “Nën udhëheqjen tuaj, NATO është bërë më e madhe, më e fortë dhe më e bashkuar se ndonjëherë”, iu drejtua Presidenti Biden Stoltenberg-ut.

Një prej këtyre vendeve është edhe shteti ynë që ka rritur shpenzimet e mbrojtjes duke iu afruar kuotës prej 2%.  Ndërkohë, Stoltenberg tha se aleatët e NATO-s kishin dhënë mbështetje “të pashembullt” për Ukrainën. Ai tha se kjo do t’i kushtojë aleancës të paktën 45 miliardë dollarë në vit.

/RTSH/