Lushnjë/ Plagoset me armë zjarri 60-vjeçarja, policia vihet në kërkim të autorit

Aktualitet | 4 vite më parë

Një 60-vjeçare ka mbetur e plagosur në Lushnjë në rrethana ende të paqarta.

Ngjarja ka ndodhur rreth orës 17:20, në fshatin Ballagat, ku shtetasja B. S., 60 vjeçe, ka mbetur e plagosur nga të shtënat e armës.

Ajo ndodhet në spital, në kujdesin e mjekëve.

Ndërkaq, policia është vendosur në kërkim të autorit i cili pas plagosjes është larguar nga vendngjarja.

“Shërbimet e Policisë kanë shkuar menjëherë në vendngjarje dhe kanë bërë të mundur identifikimin e autorit, shtetasi A. H. i cili pasi e ka plagosur në këmbë 60-vjeçaren, është larguar nga vendngjarja.

Janë ngritur pika kontrolli në të gjitha hyrje-daljet e qytetit të Lushnjës dhe vijon krehja e zonës me qëllim kapjen e autorit“, thuhet në njoftimin e policisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.