Macron bisedë telefonike me Zelenskyn: Shtojmë furnizimin me armë

Botë | 4 vite më parë

Presidenti francez, Emmanuel Macron, i ka premtuar presidentit ukrainas Volodymyr Zelensky se dërgesat franceze të armëve në Ukrainë do të intensifikohen në ditët në vijim dhe tha se vendi i tij ishte i gatshëm t’i përgjigjet kërkesave shtesë për ndihmë.

Dy liderët zhvilluan një bisedë telefonike, ndërsa Zelensky reagoi përmes një postimi në Twitter, ku tha se mes tyre u bisedua për aplikimin e Ukrainës për t’u anëtarësuar në BE.

Gjatë bisedës telefonike, Macron ka deklaruar se aplikimi i Ukrainës do të shqyrtohet nga anëtarët e BE-së në një samit në qershor.

Udhëheqësit diskutuan gjithashtu edhe evakuimet e uzinës Azovstal si dhe sfidën e sigurisë ushqimore dhe mënyrat e mundshme për të lejuar eksportet e drithërave ukrainase, nga e cila varet një pjesë e madhe e botës për ushqimin e saj./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.