Maliq, ngricat dëmtojnë grurin, specialistët këshillojnë fermerët: Nisni trajtimet për të minimizuar dëmin

Sociale | 4 vite më parë

Ngricat që shoqëruan muajin shkurt sollën dëme tek fushat e mbjella me grurë. Kjo kulturë bujqësore, kultivohet masivisht në bashkinë Maliq, ku janë shënuar edhe dëmet më të mëdha. Fermerët shprehen se kushtet e motit bënë që një sasi e konsiderushme të pësojë dëme në gjethe por edhe në rrenjë

Drejtori i Bujqësisë dhe Mbrojtjes së Konsumatorit në bashkinë Maliq, Arben Dulellari, thotë se në kushte të tilla, fermerët duhet të marrin masa duke kryer një sërë procesesh siç është rulimi i tokës si dhe trajtimi me preparatet e duhura, për të minimizuar dëmet.

Këtë vit, në bashkinë e Maliqit për shkak të subvencionimit që fermerët përfituan nga skema mbështetëse e Qeverisë, për kultivimin e grurit, pati një shtim i sipërfaqeve të mbjella me rreth 500 ha më tepër nga një vit më parë, duke çuar sipërfaqet në total në 3850 ha.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.