Kryetarja e Kuvendit, Lindita Nikolla, përshëndeti të martën firmosjen e marrëveshjes për njohjen e pensioneve mes Shqipërisë dhe Italisë. Sipas një njoftimi për shtyp, duke pasur parasysh marrëveshjen në fjalë, Nikolla u shpreh se, “bashkëpunimi dypalësh u shërben qytetarëve”.

“Marrëveshja për njohjen e pensioneve, e firmosur sot nga ministrat Igli Hasani dhe Antonio Tajani, në emër të qeverisë së Shqipërisë dhe qeverisë së Italisë, është një sukses në bashkëpunimin mes dy vendeve. Një veprim që tregon se bashkëpunimi dypalësh u shërben qytetarëve”, ka komentuar Nikolla.

Sipas saj, mbi 550 mijë shqiptarë në Itali dhe disa dhjetëra mijë qytetarë italianë në Shqipëri do të përfitojnë nga kjo marrëveshje.

“Kuvendi është gati për ratifikimin e Marrëveshjes, sapo qeveritë të përgatisin instrumentat e ratifikimit.”, deklaron Nikolla.

/rtsh.al/