Ministri i Punëve të Jashtme, Igli Hasani, në një reagim në platformën “X”  deklaroi se në kuadër të takimit të parë të Këshillit të Bashkëpunimit të Nivelit të Lartë Shqipëri-Turqi në Ankara, u vlerësua progresi në partneritetin strategjik.

Ministri Hasani shprehet se, “Shqipëria është e vendosur të thellojë marrëdhëniet e shkëlqyera me Turqinë”.

“Në takimin e parë të Këshillit të Bashkëpunimit të Nivelit të Lartë Shqipëri-Turqi në Ankara, ne vlerësuam progresin e shkëlqyer në partneritetin tonë strategjik dhe identifikuam fushat dhe sektorët prioritarë për një bashkëpunim të mëtejshëm të forcuar, edhe në dritën e rrethanave gjeopolitike në rajon. në Evropë dhe më gjerë. Si partnerë strategjikë, ne jemi të vendosur të thellojmë marrëdhëniet e shkëlqyera dhe miqësinë e vërtetë mes Shqipërisë dhe Turqisë”, shkruan Hasani në platformën “X”.

/rtsh.al/