Edhe pse sezoni 2023 i Formula 1 është ende në fillim, disa ekipe tashmë po ndërmarrin hapa konkretë për të ardhmen. Reagimin e parë e kryer McLaren që ka lidhur një marrëveshje me Rob Marshall, i cili duke filluar nga viti 2024, do të mbulojë rolin e drejtorit teknik. Marshall largohet nga skuadra Red Bull, kampione e botës në fuqi, për të provuar një përvojë të re, diku tjetër. “McLaren njofton emërimin e Rob Marshall si drejtor teknik, inxhinier dhe dizajn i ekipit McLaren në F1. Rob do t’i bashkohet ekipit nga 1 janari 2024. Në rolin e tij ai do t’i bashkohet Peter Prodromou dhe David Sanchez dhe do t’i raportojë drejtpërdrejt drejtorit të ekipit Andrea Stella” – shkruhej në njoftimin e skuadrës së McLarenit. Me mbi 25 vjet punë në motorsport, Rob vjen tek McLaren me një pasuri të njohurive dhe përvojës, të përmirësuar nga qëndrimi i tij dhe rekordet e arritura te Red Bull Racing. Emërimi i Rob është një nga hapat kryesorë dhe një përshtatje e natyrshme për të ndihmuar rikthimin e McLarenit në vendet e para të renditjes në Formula 1.