Masakra e Lushnjës, më 18 mars SPAK jep pretencën për Laert Haxhiun

Aktualitet | 3 vite më parë

Prokuroria e Posaçme kundër Korrupsionit do të japë më 18 mars 2024 pretencën për Laert Haxhiun, lidhur me masakrën e Lushnjës në 2017.

Gjatë seancës së sotme trupa e gjykimit rrëzoi kërkesën e avokatëve, të cilët kërkuan ekspertizën edhe një herë të pamjeve filmike të kamerave.

Laert Haxhiu u arrestua në Greqi gjatë majit të 2023, pasi ishte shpallur në kërkim ndërkombëtar për masakrën e Lushnjës.

Në masakrën e Lushnjës në 2017 mbetën të vrarë Zamir Latifi dhe Jurgen Hoxha por shpëtoi shënjestra, Xhulio Shkurti. Ky i fundit është nipi i Aldo Bares, kreu i bandës së Lushnjës dhe një ndër emrat më të përfolur të krimit në vend.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.