Me vetëm një komisioner në Kukës, PD: Tirana po vendos për fatin e Kukësit në kurriz të qytetarëve

Politikë | 3 vite më parë

Vendimin e një dite më parë marrë nga KQZ, që për zgjedhjet e Kukësit i lë Partisë Demokratike vetëm një komisioner, këta të fundit e quajnë “shërbim ndaj oligarkisë”.

Në një reagim, zëdhënësja e PD-së, Mirela Karabina, thotë se demokratët e Kukësit janë në një moment të rëndësishëm ku duhet të dalin mbi këtë “zallamahi interesash personale”.

PD sqaron se është ajo partia më e madhe opozitare, dhe jo PL, pavarësisht përfaqësimit të saj me dy komisionerë për zgjedhjet e 24 shtatorit.

”Partia Demokratike do të mbrojë çdo votë si në rrafshin politik ashtu edhe në atë ligjor. Çdo përpjekje e mazhorancës për të krijuar një opozitë farsë është e dështuar pasi demokratët nuk mund të përdoren si mish për top”, thuhet në reagim.

Gazetare: M. Mëhilli

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.