Meta dhe Vasili letër SPAK-ut: Duam leje të takojmë Fredi Belerin në burg

Politikë | 3 vite më parë

Kreu i Partisë së Lirisë Ilir Meta dhe nënkryetari Petrit Vasili i kësaj force politike i janë drejtuar Strukturës së Posaçme Antikorrupsion përmes një letre ku kërkojnë leje për të takuar në burg, kryetarin e zgjedhur të Bashkisë së Himarës, Fredi Belerin.

“Ne bashkëkërkuesit Ilir Metaj dhe Petrit Vasili në cilësitë e përshkruara më sipër parashtrojmë para Jush këtë kërkesë për të na dhënë lejen e takimit me z. Fredi Beleri në ambientet ku ai ndodhet i arrestuar. Personi i arrestuar në fjalë është përfaqësues i koalicionit “Bashkë Fitojmë” ku merr pjesë dhe Partia e Lirisë. Duke shpresuar dhe besuar në konsiderimin dhe pranimin e kësaj kërkese ju falënderojmë”, shkruhet në letrën drejtuar Prokurorisë së Posaçme Antikorrupsion.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.