Kryetari i Partisë së Lirisë, Ilir Meta, zhvilloi një takim në zonën e “Ali Demit”, në kuadër të fushatës për zgjedhjet e 14 majit.

Meta tha se 14 maji do të bëjë kalimin nga korrupsioni absolut në transparencë absolute dhe se garanci për një fakt të tillë është kryetari i ardhshëm i bashkisë, Belind Këlliçi dhe anëtarët e Këshillit të ri bashkiak.

“Kandidati ynë do shkëlqejë si këshilltar i bashkisë së Tiranës me përkushtimin ndaj komunitetit. Tirana sa vjen e rritet e ka nevojë për një menaxhim tjetër që nis më 14 maj me votën tuaj. Në një ditë kalohet nga korrupsioni absolut në transparencë absolute”, tha Meta.

Kreu i Partisë së Lirisë, Meta theksoi se më 14 maj Tirana do bëjë zgjedhjen e saj të mençur, sepse e tillë është.

Në takimin e realizuar te lagjia ”Ali Demi” Meta ishte me kandidatin për anëtar të Këshillit Bashkiak në Bashkinë e Tiranës, Artan Distafa.

Gazetare: Flutura Tota

/rtsh/