Monumentet e kulturës në Gjirokastër, 145 mijë vizitorë gjatë 9 muajve në kala

Kulturë | 3 vite më parë

Sezoni i verës ka dyfishuar numrin e turistëve duke shënuar rekorde sa i përket vizitave që ata bëjnë në vlerat natyrore dhe monumentet e kulturës në rajonin e Gjirokastrës.

Në kalanë e Gjirokastrës gjatë këtij 9-mujori ka patur 145 mijë turistë, me një rritje të konsiderueshme me rreth 60 mijë vizitorë më tepër se viti i kaluar.

Një rritje të vizitueshmërisë ka patur edhe në muzetë e ndryshëm që ndodhen në qytetin e Gjirokastrës siç është shtëpia e shkrimtarit Kadare, muzeu Etnografik, por edhe objektet e kultit si Kisha e Labovës së Kryqit, kalaja e Libohovës etj.

Ky sezon veror e ka kthyer qytetin e Gjirokastrës në një nga destinacionet më të kërkuara dhe kryesore për turizmi jo vetëm në rang kombëtar, por edhe më gjerë.

Gazetare: Megi Mëhilli

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.