Mori 30 mijë euro dhe u largua i qetë, publikohet video e grabitjes, Policia: 5 mijë euro shpërblim kush jep informacione

Aktualitet | 3 vite më parë

Më shumë detaje janë bërë me dije në lidhje me grabitjen që u regjistrua mëngjesin e kësaj të shtune (24 qershor) në një pikë ku kryhen transferta parash në Tiranë.

Policia ka publikuar edhe momentin e grabitjes, regjistruar nga kamerat e sigurisë, ku autori, me kapele dhe maskë në fytyrë, futet dhe nën kërcënimin e armës boshatis sirtarët ku mbaheshin paratë.

Bëhet me dije se ai ka marrë 30 mijë euro, ndërsa më pas është larguar me biçikletë.

Policia ka vendosur një shpërblim prej 5 mijë eurosh për këdo që jep informacione të vlefshme për autorin.

Drejtoria Vendore e Policisë Tiranë ka vendosur në dispozicion të qytetarëve, numrin e telefonit 0694110415, duke theksuar se garanton anonimatin e plotë të çdo telefonuesi.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.