Moti i keq/ Lezha në gatishmëri, deri tani ka rënë 20 mm shi dhe nuk ka krijuar problematika

Aktualitet | 3 vite më parë

Rajoni i Lezhës është përfshirë nga moti i keq me reshje shiu, por fatmirësisht deri tani nuk janë regjistruar problematika.

Sipas të dhënave zyrtare të Mbrojtjes Civile gjatë natës dhe deri në orët e para të mëngjesit të së martës në të gjithë territorin kanë rënë rreth 20 mm shi.

“Referuar parashikimeve për përmbytje, autoritet vendore janë vënë në gatishmëri për të përballuar situatat që mund të krijohen”, thotë përgjegjësi i sektorit të Mbrojtjes Civile në prefekturën e Lezhës Nikoll Tushi.

Krahas motit me shi ka patur dhe rënie të temperaturave, ndërsa referuar parashikimeve të Institutit të Gjeoshkencës kjo situata do të jetë prezente edhe përgjatë dy ditëve në vazhdim.

Ndërkohë vëmendja më e madhe e autoriteteve në Lezhë është përqendruar në zonat më risk më të lartë për përmbytje.

Gazetare: Amela Koçerri

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.