NATO vijon stërvitjen me armët bërthamore, Stoltenberg: Anulimi do dërgonte sinjalin e gabuar në Moskë

Botë | 4 vite më parë

NATO do të vazhdojë me stërvitjet e paralajmëruar të parandalimit bërthamor, në një kohë që Rusia kërcënon me përdorimin e tyre në Ukrainë.

Kreu i NATO-s, Jens Stoltenberg tha se anulimi i kësaj stërvitje nuk do të ndodh, pasi do të dërgonte sinjalin e gabuar në Moskë.

“Forcimi i NATO-s është e vetmja mënyrë për t’iu përgjigjur këtyre kërcënimeve për përdorimin e armëve bërthamore nga Rusia kundrejt Ukrainës”, tha Stoltenberg.

Për Stoltenberg tregimi i forcës ushtarake të NATO-s ëhstë mënyra më e mirë për të parandaluar çdo përshkallëzim të tensioneve me Rusinë.

Putin ka bërë kërcënime të fshehta për përdorimin e armëve bërthamore në Ukrainë, deklarata që janë dënuar fort nga Perëndimi.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.